კიდევ რა უნდა იცოდე!
როგორ უნდა მოიქცე, თუ ცუდად გახდები ?
თუ ცუდად ხარ და მუშაობა არ შეგიძლია, გაესინჯე ექიმს. მაგრამ ვიდრე ექიმთან მიხვალ, შეატყობინე ავადმყოფობის შესახებ შენს უფროს თანამშრომელს ან შენს უფროსს.
ექიმთან ვიზიტისას თან იქონიე ჯანმრთელობის ევროპული დაზღვევის ბარათი (EHIC). ექიმთან ვიზიტი შენთვის უფასოა. თუ ექიმი გადაწყვეტს, რომ ჯანმრთელობის მდგომარეობის გამო ხანგრძლივი დროით ვერ იმუშავებთ, ის დაგიწერთ ავადმყოფობის ცნობას (Arbeits-Unfähigkeits-Bescheinigung).ამ ცნობას გადასცემ შენს უფროსს. გერმანიში შენ გაქვს უფლება, ექიმი თვითონ ამოირჩიო.
თუ ექიმი გჭირდება, დარეკე შემდეგ ნომერზე 116 117 ( მხოლოდ გერმანულ ენაზე)
თუ შენ დამსაქმებელთან 4 კვირაზე მეტ დროს იმუშავე, ავდმყოფობის შემთხვევაში 6 კვირის მანძილზე მიიღებ შენს ხელფასს. ამისათვის აუცილებელია, რომ შენს უფროსს წარმოუდგინო ექიმის მიერ გაცემული ცნობა ავადმყოფობის შესახებ. ამ ცნობას ჰქვია ცნობა იმის შესახებ, რომ პიროვნებას არ შეუძლია მუშაობა Arbeits-Unfähigkeit-Bescheinigung.
იმ შემთხვევაში, თუ შენ ან შენმა თანამშრომელმა სხეულის მსუბუქი ზიანი მიიღო, შეატყობინე ამის შესახებ შენს უფროს თანამშრომელს ან უფროსს. სხეულის დაზიანების შემთხვევაში პირველ დახმარებას აღმოგიჩენთ პირველადი დახმარების პირი. იმ პიროვნების სახელი, რომელსაც შეუძლია აღმოგიჩინოთ პირველადი დახმარება, იცის თქვენმა უფროსმა თანამშრომელმა ან უფროსმა. მისი სახელი ასევე წერია პირველადი დახმარების პლაკატებზეც. სხეულის მძიმე დაზიანების შემთხვევაში კი დაუყოვნებლივ დაურეკე სასწრაფო დახმარებას ნომერზე 112. დაუყოვნებლივ შეატყობინე ამის შესახებ ასევე შენს უფროს თანამშრომელს ან უფროსს. ამ დაზიანების შესახებ ასევე ჩააწერინე სხეულის დაზიანების სარეგისტრაციო წიგნაკში.
უსაფრთხოების წესების ახსნა განმარტება
იმისათვის, რომ მანქანებთან და მოყწობილობებთან მუშაობა შეძლო ისე, რომ არ დაზიანდე, ვალდებულია შენი უფროსი თანამშრომელი ან უფროსი გაჩვენოს ან აგიხსნას , თუ როგორ ფუნქციონიერებენ ეს მანქანები და მოწყობილობები. (უსაფრთხოების წესების ახსნა- განმარტება Sicherheits-Unterweisung). შენ ვალდებული ხარ მონაწილეობა მიიღო უსაფრთხების ახსნა -განმარტების პროცესში და შემდეგ ხელი მოაწერო ახსნა- განმარტებას, რომ ყველაფერი კარგად გაიგე.
ეს დაზღვევისიათვის ძალიან მნიშნელოვანია. ყურადღებით იყავი: იქ შენ შეიტყობ, თუ რა შეიძლება იყოს საშიში შენს სამუშაოზე და როგორ დაიცავ თავს სწორად.
სამუშაო გარემო
ტუალეტები
ტუალეტები საცხოვრებელთან ახლოს უნდა იყოს განლაგებული და უზრუნველყოფილი იყოს გამდინარე წყლით, საპნით და ერთჯერადი ხელსაწმენდებით.
ჯანმრთელობის დაზღვევა
გერმანიაში მუშაობა 70 დღის მანძილზე
თუ გერმანიაში წელიწადში 71 დღეზე ნაკლებს მუშაობ და ეს შენი ძირითადი პროფესია არ არის, ეს ითვლება მცირეხნიან დასაქმებად. თუ ამავდროულად შენს სამშობლოში დასაქმებული ხარ და იხდი სოციალური დაზღვევის გადასახადს, ეს უნდა დაამოწმო A1 მოწმობით. ასე იქნები დაზღვეული პირველი 70 დღის განმავლობაში.
თუ A1 მოწმობა არ გაქვს, საწარმოში მხოლოდ სამუშაო ადგილზე მომხდარი უბედური შემთხვევებისაგან იქნები დაზღვეული. ამაში არ შედის ჯანმრთელობის დაზღვევა. ყურადღება მიაქციე იმას, რომ აუცილებლად გქონდეს მოქმედი ჯანმრთელობის დაზღვევა გერმანიაში. (ჯანმრთელობის დაზღვევის ევროპული ბარათი Europäische Kranken-Versicherungs-Karte (EHIC). ამის შესახებ ესაუბრე შენს უფროსს.
70 სამუშაო დღის გაგრძელება
თუ შენ 70 დღეზე ხანგრძლივად გინდა გერმანიაში მუშაობა, შენი უფროსი ვალდებულია დაგაზღვიოს გერმანიის სოციალურ დაზღვევაში.
