ასე დაიცავ თავს სხეულის დაზიანებებისაგან

იმისათვის, რომ სამუშაოზე დაიცვა თავი სხეულის დაზიანებისაგან და არ გახდე ავად, არსებობს დამცავი ტანსაცმელი. ჩვენ მას პირად დამცავ აღჭურვილობას ვუწოდებთ, შემოკლებით: PSA. თუ სად უნდა ატარო ეს ტანსაცმელი, ამაზე მიგანიშნებს ლურჯი გამაფრთხილებელი ნიშნები.

შენი უფროსი ვალდებულია მოგცეს სამუშაოდ პირადი დამცავი აღჭურვილობა, თუ ამას გარემოება მოითხოვს ისე, რომ შენ ვალდებული არ ხარ, საგანგებოდ გადაიხადო ეს ადამცავი აღჭურვილობა. მაგრამ შენ ვალდებული ხარ ატარო ის. 

გარდა ამისა, შენი უფროსი ვალდებულია, სამუშაოს დაწყებამდე აგიხსნას, თუ რომელი სამუშაოს შესრულების დროს რომელი დამცავი აღჭურვილობა PSA უნდა ატარო. უსაფრთხოების წესების ახსნა- განმარტება  განმარტება. (Sicherheits-Unterweisung). 

ეს ნიშანი ნიშნავს: ატარე დამცავი ფეხსაცმელი. 

რადგან: ზოგი სამუშაო ფეხებისათვის საშიშია. შეიძლება ფეხი რამეს მიარტყა ან ჩაგყვეს რომელიმე მოწყობილობაში. შესაძლებელია, რამე დაგეცეს ფეხებზე. მანქანებთან მუშაობისას, მაგალითად, აუცილებლად უნდა ატარო დამცავი ფეხსაცმელი.

ეს ნიშანი ნიშნავს: ატარე სამუშაო ხელთათმანები.

ისინი დაიცავს შენს კანს დაზიანებისაგან. წაისვი ხელებზე დამცავი მაზი, ვიდრე ჩაიცვამ ხელთათმანებს. წყალმაც შეიძლება დააზიანოს შენი ხელები. ხელები თუ სულ წყალში გაქვს, კანი წყლისაგან ჟივდება. ეს იმის ნიშანია, რომ ხელის კანი დაზიანებულია. 

ასეთ სამუშაოზე ატარე წყალგაუმტარი ხელთათმანები.

ასეთ ხელთათმანებში ხელის კანი ხშირად იოფლება. ესეც არ არის კარგი შენი კანისათვის. ამიტომ ატარე, მაგალითად, ბამბის ხელთათმანები დამცავი ხელთათმანების ქვეშ. ბამბის ხელთათმანები ოფლს შეიწოვს. 

ხელის დასაბან ადგილზე დევს დამცავი მაზი. ის კანისათვის ძალიან კარგია. წაისვი ეს მაზი სამუშაოს დაწყებამდე და ასევე შესვენებაზეც. ასევე გამოიყენე ეს დამცავი მაზი სამუშაოს დასრულების შემდეგაც. არასოდეს დაიბანო ხელები ბენზინით ან წყალში გაზავებული ბენზინით . ეს საშიშია და დააზიანებს შენს კანს. 

ამ ნიშანს ჰქვია: ატარე დამცავი სათვალე ან თვალების დამცავი მოწყობილობა. ისინი დაიცავს შენს თვალებს დაზიანებისაგან, მაგალითად, მტვრისაგან, შუშის ნამსხვრევებისაგან, ნახერხისაგან ან მსგავსი საგნებისაგან. თხევად ნივთიერებებსაც შეუძლია თვალის დაზიანება, 

მაგალითი : ლერწმის მოჭრის დროს ან მანქანების გაწმენდის დროს.

ამ ნიშანს ჰქვია: ატარე ტანსაცმელი, რომელიც დაგიცავს წვიმისაგან, სიცივისაგან ან ზედმეტი მზისაგან. 

თუ ცივა, ჩაიცვი საკმარისი თბილი ტანსაცმელი. უმჯობესია, ჩაიცვა ტანისამოსი რამდენიმე ფენად, რადგან შესძლო ჩაიცვა ან გაიხადო ტემპერატურის ცვლილების შემთხვევაში. წვიმის დროს ატარე წვიმისაგან დამცავი ქურთუკი კაპიუშონით ან ქუდით და წყალგაუმტარი ფეხსაცმელი, მაგალითად, რეზინის ჩექმა. თუ არ გაქვს წვიმისაგან დამცავი ქურთუკი ან რეზინის ჩექმა, სთხოვე უფროს თანამშრომელს ან უფროსს.  

მუშაობის დროს ალკოჰოლური სასმელების დალევა ან ნარკოტიკების მიღება აკრძალულია. რადგან: ალკოჰოლი და ნარკოტიკები ზრდის უბედური შემთხვევების საშიშროებას. თუ მიუხედავად აკრძალვისა, მაინც დალევ ალკოჰოლურ სასმელს ან მიიღებ ნარკოტიკულ საშუალებას, უფროსს აქვს უფლება მოგცეს გაფრთხილება ან გაგათავისუფლოს სამუშაოდან. 

საძინებულ ოთახებში არ გაქვს უფლება მოამზადო საჭმელი. დაუშვებელია საჭმლის მომზადება, რამის შეწვა, გამოცხობა. რადგან: არსებობს ხანძრის გაჩენის საშიშროება .